Современное Древлеправославие
Информационный портал о жизни старообрядческих согласий
Старообрядческий канон «святой» Жанне д'Арк
Дата:  17/01/2010 —  Тема:  Личное мнение
После публикации на нашем информационном ресурсе информации о не состоявшемся бракосочетании С. Дурасова, в Интернете появилось заявление настоятеля Храма во имя Рождества Христова в дер. Андроново священника Димитрия Коклеева о том, что С. Дурасов, вопреки поступившей информации не принимал участия в богослужениях проводимых в храме в качестве священнослужителя. Вместе с тем, о. Димитрий не дает разъяснений по другим аспектам женитьбы С. Дурасова. Он не опровергает информации ни о его готовившейся свадьбе, ни его заявления о сложении сана, ни об отмене или отсрочке самой церемонии бракосочетания. Да и это невозможно опровергнуть, ибо это было сделано публично и впоследствии неоднократно подтверждалось самим С. Дурасовым.
Вместе с тем, хотелось бы получить информацию и о другие аспектах священнической и богословской деятельности С. Дурасова. Так, например, в последнее время в Интернете распространяется церковнославянский молебный канон католической святой Жанне д,Арк (в славянском варианте Иоанне Галльской). Канон этот подписан о. Симеоном Дурасовым. Не предвосхищая точного установления авторства этого канона, хотелось бы знать имеет ли это молебствование отношение к старообрядцу С. Дурасову или автор канона Жанне д,Арк совсем другой человек (очевидно католик и тезка Дурасова).


Канон святым девам Иоанне и Тарасии Галльским

Тропарь, глас 4. Иже Галлии твердая забрала, и Церкве светоноснии столпи, девственная сердца, неизреченною любовию Христовою горящая, днесь в концех вселенныя, похвалами и песньми да почтутся. Орла пренебеснаго птенцы пламеннокрылыя, Иоанно преименитая, и доброславная Тарасие, иже свыше светом трисолнечным озаряемы, у Светодавца Бога испросите, еже мирови смирение подати, церквам единомыслие, и душам нашим велию милость.

Канон, глас 4. Песнь 1. Ирмос. Лицы Израильтестии, невлажными стопами, понта Чермнаго морскую глубину прогнавше, всадники тристояща враги видяще в ней погружены, с веселием пояху: поем Богу нашему, яко прославися.

Запев: Святыя девы Иоанно и Тарасие, молите Бога о нас.

Соберете Богови преподобныя Его, от восток солнца до запад, Духом и истинною вознести, благодарения жертву непорочную, да прославим дев Христовых священную память, в радости поюще: поем Богу нашему, яко прославися.

Звезды иже на церковней тверди от запада восиявше, на востоце яко утро прекрасное восходите, Солнца праведнаго пришествие миру возвещаете, немолчными усты поюще: поем Богу нашему, яко прославися.

Стада Христова избранныя агницы, девическим ликом во славе совокупляемы, невещественными гусльми звеняще, песнь новую возглашаете, ейже любоплотнии уми навыкнути не могут, Агнцу Божию, Иже за мир закланному, яко прославися.

Богородичен. Прешедше страдании Чермную пучину, вослед Тебе, Дево, отроковицы приведошася, и ныне у престола Царя Славы предстояще, с лики ангельскими в радости взывают: поем Богу нашему, яко прославися.

Песнь 3. Ирмос. С высоты сниде волею на землю, Иже превыше всякия власти, и смиренныя вознесе из рова преисподняго, рода человеча, несть бо пресвята, паче Тебе, Господи.

Во удолиих Галльских израстше, яблони доброцветущия, плоды сладкоуханными Церковь обвеселисте, и ныне жаждущая сердца, росою оросите духовною, да Вертоградарю небесному принесем плоды добродетельныя.

Иоанно крепкодушная, яже свыше силою во брани препоясавшися, испроверже сильныя молитвенным оружием. Темже победу нам даровавшему Христу возопием, несть свята паче Тебе, Господи.

Во осенней студени, весна красная возсия, дивным цветом чистоты небесныя, яже в девах предобрая Тарасия, Божия невеста, Иже от корене Давыдова процветшему Жениху поет в веселии: несть свята паче Тебе, Господи.

Богородичен. Иже яко младенец, на руку возлежа Мариину, ныне на небеса взыде, и апостольскими гласы во вселенную возгреме, и Той судит концем земли, вознося верных рог, царскому священию подавая крепость. Слава силе Твоей, Господи.

Седален, глас 2. От любве душевныя вам взываю, звезды, иже несветимую тму просвещающи моея души, яже в путех Божественныя воли богомудрыя наставницы, девы христоносныя, от мрачных падении раба своего покрыйте и соблюдите, и на стези спасения направите, иже к Богу вашими молитвами.

Слава, и ныне. Богородичен. Богородице безневестная пречистая, Яже без семене рождьши всех Владыку, Того со святыми девами непрестанно моли, избавитимися всякого недоумения, и дати умиление и свет души моей, Яже едина вскоре заступающи.

Песнь 4. Ирмос. Любве ради, Щедре, Своего Си образа, на кресте Своем стоя, и растаяшася языцы. Ты бо еси Бог мой, крепость моя и похвала.

Да посрамиши премудрость премудрых, да величавых супостат низложиши, избрал еси деву Твою Иоанну, во еже победительная о имени Твоем воспевати: Ты еси Бог мой, Исусе, крепость моя и похвала.

Века сего гордящиися на Бога язык смиряя, кроткою силою словесе крестнаго, богомудрая Тарасие, с Павлом взываеши: Ты еси, Кресте живоносныи, слава моя и похвала.

Радуйтеся, девы богокрасныя, иже добре течение скончавше, веру и любовь соблюдосте, ныне же венцы нетленными на небесех сияете. Вы есте красота церковная, и отечеству вашему слава и похвала.

Богородичен. Радуися, Скиние Божия избранная, радуися, девам венчание и матерем благословение, с Благословенным Плодом пречистаго чрева Твоего, Ему же вси зовем: Ты еси Бог наш, крепость наша и похвала.

Песнь 5. Ирмос. Возсияй ми, Господи, свет повелении Твоих, яко к Тебе, Христе, дух мой утреннюя поет: Ты еси Бог мой, и к Тебе прибегох, Царю мирныи.

Возсия днесь память огненнаго твоего страдания, огнесветящая звездо, Богоневесто Иоанно, и спасения лучи повсюду простирает, Жениха твоего всесильным именем.

Озарила еси землю Галльскую, яко второе солнце, облаки мрачнаго греха отгнала еси, Богу возлюбленная дщи, нам же мати боголюбивая, дево светоносице Тарасие.

Востани, севере, и гряди, юже, в вертограде девственнем возвейте ветри, исполняюще вселенную мирными ароматы, яже мироносиц Христовых молитвами.

Богородичен. Яко утро обретеся заутреннее, Солнца правды во утробе заченши, и от сосцу млеком доиши, Иже тварь всю милости насыщающаго, Богородице Марие, девственным душам заступнице.

Песнь 6. Ирмос. Да не погрузит мене буря водная, ни да пожрет мене глубина: отвержен убо бых во глубины сердца морскаго зол моих. Тем Ти вопию, яко Иона: да взыдет от тля живот мой, к Тебе, Многомилостиве.

Да не объимет мене тма многая, еже от Солнца моего отступити, но да и во мраце страдании, любовию Твоею, Женише, озаряюся, на одре болезненнем Тарасие взывааше, да взыдет пение мое к Тебе, Многомилостиве.

Разгнала еси мглу от сердец глубокую, немокренно преминула еси, клеветы человеческия лютую пучину, и от земли яко огненныи столп, к небеси востече, мученице Христова, Иоанно славная.

Иже потопляемым во отчаяния бури, руце спасения простертыя, иже во тме заблуждьшим, две звезды путеводныя, всем жаждею греховною палимым, прохладныя и живоносныя струи, от единаго Источника текуща, Иоанно и Тарасие.

Богородичен. Тобою Троичное таинство сказася мирови: Единородное бо Слово безначальнаго Отца, из Тебе, Пречистая, облечеся плотию, и пострадав, воскресе, и ко Отчему престолу восшед, на землю Утешителя Духа посла, иже Тя Богородицу верою славящим.

Кондак, глас 3. Подобен: Девая днесь. Агнца непорочнаго возлюбленныя агницы, яже от Галльския земли избранныя, Иоанно и Тарасие, богоневестныя отроковицы, о мире всем непрестанно молите Жениха небеснаго, Иже безначально от Отца рожденнаго, Отроча младо, превечного Бога.

Икос. На заре жития своего, Света истиннаго зарю сердечныма очима узревше, вослед Тому вожделенно потекосте, и благодатными лучами Сего вельми просветистеся. В телесех девических мужескую доблесть показасте, и в юных летех паче старец мудрость духовную. И в подвизех еже по Христе страдания вашего, победныя почести взясте. Ова крест яко меч в деснице держащи, за люди христоименитыя душу положи, вещныи пламень победивши, и яко искра легкая возлете на небо; ова же смиренномудренно с любовию житие прейде; но и на одре болезни смертныя лежащи, яко славий сладкогласныи, благодарными пении концы огласи. Иоанно и Тарасие, сестры боголюбезныя, аще и времены многими друга от друзей отстояще, но яко единем сердцем подвизавшеся, единаго Духа Животворящаго причастницы явистеся, Иже от Отца исходящаго, и Сыном посылаемаго, и Церковь Свою яко невесту, неизреченною добротою одеющаго. Темже и о нас, богокрасныя юницы, молите Иже вас уневестившаго, Иже мира честною Си кровию обновити пришедшаго, Отроча младо, превечнаго Бога.

Песнь 7. Ирмос. Юноши три в Вавилоне, веление мучителево на буйство преложиша, и посреде огня ввержени, прохдаждаеми вопияху: благословен Бог отец наших.

Не остави сродное си достояние, люди твоя, Иоанно страстотерпице, и посреде огня страстей и искушении, якоже древле предстани, и молитв твоих росою прохлади. Благословен Бог отец наших.

Пламенем еже ко Христу любве разжегаема, богомудрая Тарасие, пещь страстей певцем твоим угаси, и на покаяния стези настави, и Тому единому звати научи: благословен Бог отец наших.

Отрочате малаго зрети не терпяще, сотрясошася и падоша египетская вся истуканная; но и днесь приидите, юницы, иже Младенца Христа сестреницы, сокрушите прелести безбожныя идолы, силою Бога отец наших.

Богородичен. Якоже во огненней пещи, безлетнаго Сына Твоего спасеною росою окропившеся, пояху тричисленнии юноши, тако и ныне языки огнедухновенными, Церкви, яко дождем орошаема, поет и славит Иже в Троице единаго Господа.

Песнь 8. Ирмос. Земля и вся яже на ней, море и вси источницы, небеса небес, свет, тма, мраз и зной, сынове человечестии, и иереи благословите Господа, и превозносите Его во веки.

Да воспоет земля, пепел непорочнаго тела твоего приемши, реки да восплещут руками вкупе, от лица Господа сил, Иже тебе, Иоанно, победу даровавшаго, и славою премирною венчавшаго во веки.

Пойте Богови вся древа дубравная, травы сельныя и источницы, снегосветлыи крин весенний девственныя чистоты, Тарасию похваляюще, благословите Господа, и превозносите Его во веки.

Трисветло чту едино Божество: Вседержительное Солнце воспеваю – Отца, Солнца славлю и Сына, Иже сердца просвещающа, исходному Солнцу покланяюся, Духу правому, Иже вся животворящему, светоносною благодатию.

Богородичен. Благословенна Ты в женах, Марие богоневестная, глас радования Ти Гавриил взывает: яко Дух Святыи найдет на Тя, и яже от Вышняго силу приимеши, и вселенную звати научиши, превозносите Господа во веки.

Песнь 9. Ирмос. Рожество Ти нетленно явися, Бог из боку Твоею пройде: плоть нося явися на земли, с человеки пожил есть. Тя, Богородице, тем вси величаем.

Сеявше во страданиих, ныне с веселием жнете, на небесех неоскудно радостныя класы. Капли слез и кровей ваших, во стенах вышняго Иеросалима, яко камение сияют многоценное.

Сеявшеся телесы святыми во юдоли плачевне, востаете в силе, красны добротою паче дщерей человеческих. Вышняго Царствия наследницы, чада Божия любимая, да тоя же части и любящих вас сподобите.

Иоанно и Тарасие, лампады неугасимыя, пред небесным престолом молитвенно горящия, сущим на земли разумы светом Духа озарите, да вас племена земная непрестанно величаем.

Богородичен. Образ неизменныи Сущаго, вас Себе сообразны показа, Свет Иже от Света, божественныя светлости предивно исполни, Матере Божия искренния дщери, Иоанно и Тарасие, Ея же славяще, вас величаем.


Симеон Дурасов

http://jannadark.ru/kanon-svyatym-devam-ioanne-i-tarasii-gallskim-simeon-durasov



https://staroobrad.ru/modules.php?name=News2&file=article&sid=436